3,2,1...Radio O Mundo Que Queremos 2020, no aireeeee!!!!
- O mundo que queremos
- April 27, 2020
Pois aquí están xa rematados os traballos radiofónicos realizados polo alumnado da 7º edición de O Mundo que queremos. Estes son os centros participantes:
- CPI Dr López Suárez de Saviñao, en Escairón
- CPI Aurelio Marcelino Rey García en Cuntis
- IES Laxeiro de Lalín
- IES Melide
Para facer os seus podcast os mozos e mozas recibiron dous obradoiros de radio, onde coñeceron mellor os medios de comunicación (as súas boas, pero sobre todo as súas malas prácticas). Tamén aprenderon a usar os micros e a falar na radio. Despois tiveron que organizarse en grupos e aprender a facer unha reportaxe. Investigaron sobre temáticas tan variadas como o traballo infantil ou a loita xuvenil polo clima, entrevistaron a activistas medio ambientais, a persoas que traballan loitando contra o lume, a bodegueiros sostibles, a persoas maiores que nos contaron como era a súa contorna antes, a cantantes comprometidos, hasta algún alcalde!
Todo iso, mais as súas opinións e algún toque de humor o plasmaron no seus incribles podcast. Radio O mundo que queremos 2020 xa está aquí para o disfrute de todos nós.
Parabéns aos profes, aos centros educativos, a facilitadora de AGARESO, as monitoras de Solidariedade Internacional, pero sobre todo aos nosos grandes protas: os novos locutores e locutoras de Radio O Mundo Que Queremos.
