Feminismo e medio ambiente, son as dúas grandes temáticas que os mozos e mozas de O Mundo que Queremos decidiron tratar nas súas curtometraxes este ano, iso sí, xa veredes que de formas totalmente distintas.
Estas pezas están guionizadas, locutadas, interpretadas e gravadas polo alumnado nos dous obradoiros audiovisuais que recibiron durante os meses de xaneiro e febreiro. Entre obradoiro e obradoiro, fixo falta algo de investigación, moito de reflexión e por suposto creatividade, a receta máxica do mundo cinematográfico! Grandes talentos por descubrir temos por Alfoz, Melide, Lalín e Cuntis!! Parabens!!!!
Podedes atopar todos os traballos deste ano na nosa canle de Youtube de O Mundo Que Queremos