Entre os días 22 e 24 de outubro terá lugar na Coruña o Foro de Investigación en Educación para o Desenvolvemento e Cidadanía Global, concibido como un espazo de encontro entre persoas que realizan investigacións ao redor da Educación para o Desenvolvemento (EpD).
O obxectivo deste Foro é reflexionar, debater e analizar o traballo que se está a levar a cabo no eido da Educación para o Desenvolvemento como ferramenta para a transformación social tanto en Galicia como no Estado español.
As organizacións que integramos O mundo que queremos estaremos presentes e realizaremos unha presentación do noso proxecto e de todo o aprendido ao longo destas dúas edicións.
A inscrición é de balde, neste enlace tedes máis información e como apuntarvos.