Os grupos gañadores do Concurso de Podcast X Aniversario de Activistas polo Mundo que Queremos visitan a RTVG
- O mundo que queremos
- June 13, 2023
O pasado 1 de xuño os mozos e mozas que forman parte dos grupos gañadores do Concurso de Podcast X Aniversario que o proxecto puxo en marcha para celebrar os seus10 anos de vida, visitaron as instalación da radio e da televisión de Galicia, os medios públicos galegos.
Uns trinta adolescentes que chegados de Pontevedra, Vigo, Coristanco e o Grove puideron pasearse polo plató do Bos días, coñecer como funcionan a televisión e a radio, ver algún que outro famoso, e participar no Galicia por Diante da Radio Galega, onde conversaron un anaquiño cunha das súas presentadoras, Silvia Pereira.
Podes escoitar aquí a súa intervención a partir do min 5.
Trala emocionante visita, trasladámonos ao Monte do Gozo para coñecernos un pouco mellor cun bingo un chisco diferente e por suposto realizamos a entrega dos diplomas e dos agasallos (de Comercio Xusto!) aos gañadores e gañadoras dos podcast e a os seus profesores e profesoras, que ben merecido o teñen!
Todos marchamos para casa contentos e con gañas de seguir coñecéndonos mellor, non si? Pero eso xa terá que ser na vindeira edición de Activistas polo mundo que queremos!!
