Quero que o meu centro forme parte de ACTIVISTAS POLO MUNDO QUE QUEREMOS, como fago?
- O mundo que queremos
- September 19, 2024
Se xa sabes que queres participar no proxecto este ano , aquí che deixamos unhas indicacións para que che séa máis doado inscribirte.
Recorda que a inscripción non asegura a participación. A equipa do proxecto realizará unha selección entre todos os centros que se presenten en base a uns criterios previamente fixados na ficha técnica do proxecto.
Moi ben, por onde empezo?
• A PLATAFORMA
Activistas polo Mundo que Queremos forma parte do Plan Proxecta+, unha iniciativa da Consellería de Cultura, Educación, Formación Profesional e Universidades, polo que debes inscribir ao teu centro educativo nesta plataforma antes do 27 de setembro do 2024. Recorda que para facelo debes identificarte previamente ( na parte superior dereita da pantalla).
• PROFESORADO
A propia convocatoria do Plan Proxecta+ esixe que participen a lo menos dous profesores/as (un deles có rol de persoa coordinadora). Se agora queredes inscribirvos dous/dúas profes, pero despois se anima alguén mais, tedes ata xaneiro de 2025 para incluílo na aplicación e se recoñeza o certificado de innovación educativa.
O ideal é que se inscriba profesorado que imparte aulas co alumando que participa no proxecto.
• FORMACIÓN PREVIA
Previo ao comezo de Activistas polo Mundo que queremos terá lugar unha formación sobre o proxecto para profesorado a través do Cafi, polo que se certificarán as horas . O obxectivo desta formación é coñecer o proxecto, a aula moodle do mesmo e aterrar todas aquelas cuestións que necesitedes como profesorado para poder desenvolvelo. Esta formación, ao ser realizada a través da Consellería xa ten data, será o sábado 19 de outubro en Santiago de Compostela. É preciso que a lo menos asistan dúas persoas do centro vinculados co proxecto.
• ITINERARIO
O itinerario formativo para o alumnado consistirá en oito sesións, 4 presencias e 4 virtuais que terán lugar de mediados de novembro a maio. Haberá un acompañamento continuo pola nosa parte durante todo o proxecto.
- Que significa ser activista? Primeiro obradoiro presencial na aula (100 minutos) para dar a coñecer o proxecto e achegarnos ao contido a traballar: que significa a palabra activismo e as características das persoas activistas. Novembro 2024.
- Elixe o teu activismo: Medio ambiental, Feminismo, LGTBI, Antirracista. Sesión a través da aula virtual. Decembro 2024
- Comunicación transformadora. Analizaremos os medios de comunicación e as redes sociais dende unha perspectiva crítica. Segunda parada do proxecto presencial (100 minutos). Xaneiro 2025.
- Realizamos os nosos guións radiofónicos. Creamos os nosos guións radiofónicos sobre o activismo elixido. Traballo en aula do alumnado guiado polo profesorado co apoio da plataforma moodle. Xaneiro - febreiro 2025
- Obradoiro de radio. Creamos os nosos programas de radio activista. Presencial na aula (100 minutos). Febreiro-marzo 2025
- Coñecendo a Visita do sur: A través da aula virtual aproximámonos a labor de activistas que traballan en diversas esferas noutras partes do mundo. Marzo 2025.
- Encontros con activistas do Sur. As persoas activistas do sur visitan as nosas aulas. Presencial na aula (100 minutos). Abril 2025
- Escoitamos os nosos programas de radio e avaluamos o proxecto. Maio-xuño 2025
Encontraredes máis información sobre o noso proxecto nesta ligazón
• DÚBIDAS
Para calquera dúbida ou cuestión podedes contactar con nós por telefono: 626913681 ( María Caride) ou no correo electrónico: sensibilizacion@solidaridadgalicia.org
